Irungo San Tomas azokan, gehienez 25 postu

admin

Bidasoa

2013/10/21

Iazko San Tomas azokaren irudia da honakoa, Irunen

Abenduaren 21eko San Tomas azokarako hainbat xehetasun ari da lantzen Irungo Udala. Horietako bat da postuen kopurua: aurten 25era mugatu du, eta ezarri du sektore bakoitzeko postuen kopurua. Horregatik, postua jarri nahi dutenei jakinarazi die azaroaren 29ra arte aurkeztu behar dituztela azokan egoteko eskaerak, eta eskaera egiteko inprimakiak BAZen bulegoan daudela. Informazio osoa eta oinarriak Irungo Udalaren webgunean daude. Horrez gain, txosnak jarri nahi dituztenen eskaera epea aurki zabalduko dela esan du udalak. Hona, udalak egin duen 25 postuen banaketa, sektoreka:

Landare, fruta eta barazki postuak: 5.
Baserriko animalien postuak: 2.
Ezti postuak: 2.
Talo postuak: 2.
Gazta postuak: 3.
Ogi eta gozogintza postuak: 4.
Marmelada eta foie-gras postuak: 2.
Kontserba eta hestebete postuak: 2.
Artisautza postuak: 3.

Bestalde, San Tomas azokaren barruan ohikoak izaten dira hiriko dantza taldeen emanaldiak. Horiek zehazteko dantza talde guztiak batzarrera deitu dituzte bihar (asteartea=, 13:00etan, Kirol eta Kultura sailean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.