'Kafkaren aulkia' proiektuan parte hartuko dute zenbait oreretarrek
Bertsolari, musikari eta zenbait idazlek martxan jarri duten proiektua da Kafkaren aulkia, eta horien artean, zenbait idazle errenteriar daude: Eider Rodriguez, Lander Garro eta Oier Guillan.
Bertsoa eta literatura batuko dituen emanaldia da. Bertsolarien artean, Uxue Alberdi eta Andoni Egañak parte hartuko dute. Musikaz, berriz, Pello Ramirez arduratuko da, eta idazleen artean, Errenteria-Oreretakoez gain, honakoak aurkitu ahal izango dira: Andu Lertxundi, Harkaitz Cano, Unai Elorriaga, Miren Agur Meabe, Itxaro Borda, Jon Sarasua, Iratxe Esnaola, Xabier Mendiguren…
Bihar, asteazkena, aurkeztuko dute Donostian.