Euskaraz bizi nahi dutela erakutsi dute
http://www.youtube.com/watch?v=Fl-Ts5Q-sjI&feature=youtu.be
[nggallery id=40]
Euskaraz Bizi Nahi Dut herri lasterketa egin dute, gaur, Errenteria-Oreretan. 200 partaide atera dira, haur, guraso zein gazte euskararen aldeko euren urratsa egitera. Puntual irten dira korrikalariak Zumarditik, suziria bota bezain pronto. Hortik, hainbat bira eman dituzte erdialdeko kaleetatik, eta Matxaingo biribilgunetik barrena sartu dira Zumardian. Hortxe zeukaten helmuga. Ondoren, sari banaketa izan da, baina horiek ez dituzte sailkapenaren arabera banatu.
Antolatzaileek eskerrak eman dizkiete partaide guztiei, eta batik bat laguntzaile eta lasterketa posible egin duten guztiei ere.
Beste ekimenak
Lasterketara bakarrik ez da mugatu Euskaraz Bizi Nahi Dut herri lasterketa, eta kirolarekin eta kulturarekin lotutako zenbait ekitaldi antolatu dituzte. Atzo, rock kontzertuak izan ziren Niessen aretoan. Gaur, berriz, Hibaikak erakustaldia eman du lasterketaren aurretik Oiartzun ibaian, eta gauean, berriz, Lingua nabajorum antzezlana emango dute, 22:00etan, Niessen aretoan.
