Jostaldin, zesta puntarekin gozatu dute Hondarribiko haurrek
Gurutzearen Alabak, Talaia eta Ama Guadalupekoa ikastetxeetako haurrek zesta punta erakustaldiaz gozatu ahala izan dute gaur arratsaldean Hondarribiko Jostaldi pilotalekuan. Jai Aliveko puntistek partida lehiatua eskaini diete haurrei, eta txikiek “gora gorriak” edo “aurrea urdinak” oihuekin animatu dituzte pilotariak. Tanto bakoitzaren bukaera jai antzekoa zen, gorrien edo urdinen aldekoek algaraz jasotzen zutelako euren gogoko bikotearen puntua.
Gaurko jardunaldiaren helburua izan da gaztetxoek zesta puntaz gozatzea eta ezagutzea, eta horren arduradunak Jai Alive, Hondarribiko Pilota Eskola nahiz udala izan dira, kirol horrekin gaztetxoek kontaktu zuzena izatea nahi dutelako. Partidaren ondoren hainbat zozketa egin dituzte.
