Urruñatik Irunera, Hendaia eta Hondarribitik, gazte asanbladekin eta bizikletaz
Urruña, Hendaia, Irun eta Hondarribiko gazte asanbladek Eskualdeko Txirrinda Martxa antolatu dute hilaren 19rako. Lau herriak lotuko dituzte bizikletaz eta txirrindula hartzera animatzen ez direnek ere izango dute parte hartzeko aukera, lau herrietan egingo dutelako, atsedena hartzeaz gain.
Txupinazioa Urruñan botako dute, 11:00etan, eta Hendaiaruntz abiatuko dira. Bazkaria Hendaian egingo dute eta hortik Hondarribiko bidea hartuko dute. Jolasak prestatuko dituzte Hondarribian, 16:00etan. Azken zatia bizikletarekin Hondarribia eta Irun artean egingo dute, eta musikarekin amaituko dute jardunaldia, lau talderen kontzertuekin: Sangre de Monos, Drug Rockets, The Barandys eta Ez!.
