Oreretako gaztetxeak urrirako eskaintza aurkeztu du
Urrirako eskaintzaren berri eman du Oreretako Zabala-enea II gaztetxeak. Hilabete berezia izango da, 13. urteurrena beteko baitu. Horren ospakizuna hilaren 26an (larunbata) izango da egun osoan zehar. Tartean, bazkaria egingo dute, eta txartelak salgai daudela esan dute 10 euroan ohiko tokietan.
Ekintzak, ordeak, larunbatean bertan hasi eta hilabete osoan zehar zabalduko dira. Larunbatean, 19:30ean, poteo animatua egingo dute gaztetxetik bertatik abiatuta. Ondoren, aurkezpen afaria eta reggae gaua izango dira Gaztañon daukaten eraikinean. Txartelak ohiko tokietan izango dira salgai 8 euroan.
Bestalde, gazte asanbladak ikasturte berria ekin diola azaldu du gaztetxeak. Ostegunero biltzen dira 18:00etan, gaztetxean.
Egitaraua
Urriak 5- 19:30: Poteo animatua gaztetxetik.
- 21:30: Aurkezpen afaria eta reggae gaua.
- 22:30: Zine Txiroa: Kukutza dokumentala eta solasaldia.
- 09:30: Urdaburura martxa.
- 10:00: Auzolan Eguna, gaztetxean: Eraiki dezagun batera.
- 22:00: Bertso trama
- 20:00: Kartelada berezia: Gazte indarraz preso eta iheslariak etxera.
- 10:00: Gazte olinpiadak, Lehendakari Agirre plazan.
- 14:00: Urteurreneko ekitaldia, Lehendakari Agirre plazan.
- 14:30: Bazkaria.
- Jarraian: Poteoa, kontzertu ibiltariarekin.
- 21:00: Luntxa eta kontzertuak gaztetxean.
