Ikasturte hasierako jaia egingo du San Agustin elkarteak
Ikasturte berriko ekintzak urriaren 1ean hasiko baditu ere, ikasturte hasierako jaia egingo du hilaren 26an (osteguna) San Agustin erretiratuen elkarteak. 18:00etan hasiko da, eta luncha ere izango da.
Astelehenetik ostegunera egingo dituzte ekintzak, 16:00etatik 18:00etara, eta norbaitek izena eman behar badu, erretiratuen elkarteko bulegotik pasatu beharko du.
Honako ikastaroak egiteko aukera izango da: gimnasia, win tsun chi, areto dantzak, brodatzea, euskal dantzak, puntu eta kakorratz lanak, dantza tailerra, memoria, eskulanak, euskara, informatika eta abesbatza.
