Marea berdearen irudi onenak
Lau irundar eta hondarribiar bat izan dira Higer Merkatari Elkarteak eta Hondarribia Ostalaritza Elkarteak antolatutako Marea Berdea Hondarribiko Indarra 2013 argazki lehiaketako irabazleak. Marina Hernaez izan da Hondarribiko saritua. Berarekin batera, Gerardo Garcia, Pedro Sanchez, Joel Iglesias eta Raul Martinez irundarrek irabazi dute lehiaketa. Azken honen Aurrera irudia izan da sarituen artean euskarazko izenburua zuen bakarra.
Antolatzaileek azaldu dutenez, 150 irudi jaso dituzte eta denak “lehiaketaren izpiritua” jarraitu dute, hots, Hondarribia Arraun Elkartearen traineruak duen zaleen babesa erakustea, berde kolorea protagonista hartuz. Bost argazki onenen egileek bi pertsonentzako bazkari edo afariak irabazi dituzte herriko beste horrenbeste jatetxeetan: Hondar, Laia, Arroka Berri, Abarka eta Zeria.
