EAJ eta PSEren arteko akordioa Pasaiarentzat "onuragarria" dela uste dute sozialistek
Euskal Autonomia Erkidego mailan EAJk eta PSE-EEk sinatu duten akordioa Pasaiarentzat onuragarria dela uste dute Pasaiako sozialistek. Izan ere, euren esanetan, badiaren “birgaitzea bermatzen du”, eta “portua kanpora eramateko aukera zabalik mantentzen du”. Pasaiako PSE-EEren arabera, “Gipuzkoan aberastasuna eta lanpostuak sortzen dituen portuaren bideragarritasuna” ziurtatzen du.
Horrela, euskal erakundeek badiarekin “zor historikoa” dutela uste dute. “Denbora gehiegi darama Pasaia inguruak euskal kostaldeko tokirik ederrena azalerazteko asmoz. Hori ez da posible izango portu jarduerak badia barnean jarraitzen badu”, esan dute. Hala ere, badia birgaitzeko ez dela itxaron behar adierazi dute: “Lortu behar dena hirigintza iraultza bat da, eskualdea badiari begira jarriz”.
Azkenik, Pasaiako Portuak Gipuzkoako “100.000 lanpostuetan” eragina duela gogorarazi nahi izan dute, Akordioak Pasaiako zein Bilboko portu agintaritzak ez dituela batuko jaso du, eta horregatik zoriondu dituzte bi sinatzaileak.
