Porrota jaso du Kordoban Ereintza eskubaloiak
Denboraldiko lehenengo partida gogorra espero zuten, eta hala izan zen. Aurrez aurre iaz Asobal Ligan jokatu zuen Palma del Rio talde kordobarra izan zuen Ereintza eskubaloiak. 11 puntuko aldearekin galdu zuen: 29-18.
Maila galdu badu ere, iazko taldea mantentzen du Palma del Riok, eta beraz, bazekien irabaztea zail izango zuela Ereintzak. Hala ere, lehen zatiko 20. minutuan puntu bakarreko aldearekin galtzen zihoan: 8-7. Hortik aurrera, baloiak galtzen hasi zen, eta atsedenaldira 16-7 galtzen zuten errenteriarrek.
Bigarren zatia ere nahiko berdinduta hasi zen, baina ia ezinezkoa zen markagailuari buelta ematean, eta animoak behera egin zuten.
Ereintzak adierazi duenez, denboraldi ona egiteko maila badu taldeak, eta partidaren bat irabazita eta konfiantza lortuz gero, esperantza badagoela.
Hurrengo lehian Santanderko Go Fit taldearen bisita jasoko du Ereintza, Galtzarabordako kiroldegian.
