Baserritar egunarekin amaituko dira gaur santakrutzak
Ganadu feriak hartu du Gurutze Santuaren plaza gaur goiz goizetik. Baserritar eguna ospatzen ari dira Santakrutzen barruan lezoarrak gaur, eta feriarekin batera urtero bezala idi dema saioa izan da eguerdian. Ordu erdi barru, mahaiaren bueltan bilduko dira baserritarrak Ixkulin eta Tiñelu elkarteetan, beraientzako bazkaria prestatu baitute bi elkarte horietan.
Bertsolariak
Idi demaren bigarren saioa egingo dute arratsaldeko seietatik aurrera. Aurretik baina, zenzentxo eta poniek hartuko dute Gurutze Santuaren plaza, haurren gozagarri eta punta puntako bertsolari saioa ere ez da faltako santakrutzetan. Andoni Egaña, Sebastian Lizaso, Alaia Martin eta Amets Arzallusek girotuko dute plaza 19:30etatik aurrera. Zezen suzkoarekin agur esango diete lezoarrek Santakrutz Jaiei datorren urtera arte.
Gaur arratsaldeko egitaraua
- 14:00 Baserritarren bazkaria Ixkulin eta Tiñelu Elkartean.
- 16:00 Zezentxoak eta poniak Gurutze Santuaren Plazan.
- 17:30 Euskara eskola dohainik AEKren eskutik Polentzarrenen.
- 18:00 Idi demaren arratsaldeko saioa probalekuan.
- 18:00 Josetxo Etxandi XXXVIII. Oroitaldiko Herri mailako pilota txapelketaren finalak.
- 19:00 Buruhandi eta erraldoien kalejira Bekoerrota Kiroldegitik abiatuta,
- Lezoko Munttar Txistulari Elkartearekin.
- 19:30 Andoni Egaña, Sebastian Lizaso, Alaia Martín eta Amets Arzallus bertsolarien emanaldia Gurutze Santuaren Plazan. Gai jartzailea: Amaia Agirre.
- 21:45 Tomas Garbizu Musika Eskolako Bandaren emanaldia Gurutze Santuaren Plazan.
- 22:00 Zezen suzkoa Gurutze Santuaren Plazan Santakrutz jaiei amaiera emanez.
