Komiki marrazketa ikastaroa egingo dute Irungo Kabigorrin
Irailaren 20tik aurrera, ostiralero, irudimena komiki bidez lantzeko aukera izango da Irungo Kabigorri Ateneoan. Komiki marrazketa ikastaroa antolatu dute, eta gutxienez hamar laguneko talde bat osatu nahi dute martxan jartzeko. Izena emateak bost euroko kostua du, eta irakasle Kabigorrin komikiekin lotura duten gaiak jorratzen dituen Jorge izango dute parte hartzaileek.
Ikastaroren helburu nagusietakoa izango da ikasleek beren lanak inondik kopiatu gabe egiteko beharrezko mekanismoak eta teknikak lantzea eta ikastea, praktikoak izango dira, eta marrazketa estilo guztiak erabiliko dira. Are gehiago; komikigintzan ezagutzarik ez dutenentzat nahiz eskarmentua dutenentzat zabalik daude eskolak, “mundu guztiak ikas dezake marrazten. Besterik gabe marrazteko gogoa behar da, beharrezko trikimailuak eta teknikak ikasi… Eta praktikatzera”, esan dute Kabigorriko kideek.
Izena emateko interesa dutenek Kabigorritik pasatu behar dute. Bertan daude inskripzio orriak.
