Lehorreratu da Bikingo Marea
Zeruak eutsi dio eta normaltasunez egin ahal izan da Bikingo Marea. 25 ontzi zeuden izena emanda baina azken orduan gehiago izan dira Hondarribiko Gazte Asanbladak (HGA) antolatutako abordaian parte hartzera hurbildu direnak. Berrehunetik gora lagun itsasoratu dira eta denen burutu dute Kai Zaharraren eta Puntalaren arteko ibilbidea, batzuk halamoduz egin badute ere.
Gazte Asanbladako kideak pozik azaldu dira erantzunagatik eta parte hartzaileen jarrera goraipatu dute. Baltsetako piratek beraiek, salbuespenik gabe, eraman dute ontzietako materiala Txingudi Zerbitzuakek jarritako edukiontzietara. Antolakuntza bikaina izan da, batez ere helmugan, eta horrek erraztu egin du abordaia ikustera hurbildu den publikoaren jarduna, gertu gertutik ikusi ahal izan dute hirugarren Bikingo Marea. Aurten lehen aldiz Udalaren egitarau ofizialean azaldu da Donostiako Piratak eredu dituen HGAren egitasmoa.
