Verdi eta Wagner, Andra Mari Abesbatzaren ahotsean
Donibane Lohizunen ariko da bihar Andra Mari Abesbatza Musique en Cote Basque jaialdian. Hurrengo egunean Arcachonera (Akitania) egingo du bidaia, eta bertan, Bordeaux-Aquitaine Orkestra eta Heidi Melton sopranoarekin batera ariko da, Paul Danielen zuzendaritzapean.
Bi egunetan egitarau bera eskainiko du, eta Verdiren eta Wagnerren obrak interpretatuko ditu. Bereziki aukeratu dituzte bi musikagileen mendeurrena betetzen delako. Verdiren obretatik Aida, Nabucco eta La Forza del destino aukeratu dituzte, eta Wagnerrenetik Tristan eta Isolda operako zatiak.