Pasaia Musikalen ikasturte osoan izena eman daitekeela jakinarazi dute
Pasaia Musikalen matrikulatzeko epe ofiziala bukatu den arren, musika eskolak jakinarazi du urte osoan zehar eman ahal izango dela izena. Irailaren 19an hasiko dira eskolak.
Aurreko ikasturteetan emandako ikastaroez gain, jazz tronpeta, piano inprobisazioa eta arpa ikastaroak emango dituzte. Gainera, flamenko eta ekialdeko dantzen hiruhileko ikastaroekin jarraituko dute. Gainera, Donibanen haurren abesbatza sortuko dute, eta Trintxerpen 9 ta 11 urte bitarteko haurren bertso eskola egingo dute.
Informazioa jaso nahi duenak, 943 39 60 55 telefono zenbakira dei dezake, edo pm.idazkaritza@pasaia.net helbide elektronikora mezu bat bidali dezake.
Iaz 1.354 ikasle pasatu ziren Pasaia Musikaletik, eta aurtengo matrikulazio erritmoaren arabera, iazko kopurura iritsiko direla uste dute.
Pasaia Musikaleko ikasturtearen aurkezpena.
