Atez ateko informazio bulegoa behin betiko itxi du udalak
Atez atekoaren gaineko informazioa emateko kultur aretoan zabalik zegoen bulegoa itxi du behin betiko Lezoko Udalak. Aurrerantzean hainbat gunetan emango dute oarin arte bulegoan zabaltzen zuten informazioa eta udaletik herritarren beharrak aseko direla ziurtatu dute.
Ingurumen Zerbitzuak hartuko du orain ardura eta atez ateko hondakinen bilketa sistemaren gaineko zalantzak, kezkak eta iradokizunak ohiko telefono zenbakian jasoko dituzte, 943 52 43 80. Posta elektronikoa ere baliatu ahalko dute lezoarrek atez atekoaren gaineko zalantzak argitzeko.
Materiala informazio orokorrean
Atez atekorako beharrezko materiala udaleko informazio orokorrean banatuko dute hemendik aurrera. Poltsak, imanak, kuboak, gidak, kodeak eta bestelakoakbertan jaso beharko dituzte aurrerantzean lezoarrek. Era berean, inzidentziak, kexak, eskaerak eta salaketak jartzeko bertara jo beharko dute interesdunak 8:00etatik 13:00etara.
Hondakinak Garbigunera eramaten dituzten herritarrek udaltzaingoaren bulegoan aktibatu eta desaktibatu beharko dituzte txartelak.
