Kutxaren festa egingo dute gaur arratsaldean
Buru gainean 18 kilo pisatzen dituen kutxarekin ahalik eta buelta gehien ematen saiatuko da Izaro Alza 23 urteko gaztea, ohiturak esaten baitu harremana dagoela ematen diren itzulien eta hurrengo urtean arrantzaleek itsasoan lortuko duten fruituaren artean.
Izaro Alzak eramango du gaur kutxa, Santiago Egunarekin Hondarribiko arrantzaleek mantendu duten ohiturari jarraipena emanez. 18:00etan hasiko da ekitaldia. Kofradiako agiriak gordetzen dituen kutxa buruan duela, Alde Zaharreko parrokiarako bidea egingo du gazteak. Mezaren ondoren, joaneko bidean atzera egingo du, Arrantzaleen Kofradiaren arkoaren parean gaurko eguneko une esperatuenari ekiteko.
Buru gainean 18 kilo pisatzen dituen kutxarekin ahalik eta buelta gehien ematen saiatuko da 23 urteko gaztea, ohiturak esaten baitu harremana dagoela ematen diren itzulien eta hurrengo urtean arrantzaleek itsasoan lortuko duten fruituaren artean.
