Oiartzungo esku pilota saria jokatzen hasiko dira ostiralean

admin

Bidasoa

2013/07/23

Hamasei pilotarik parte hartuko dute txapelketan; horietatik zortzik Gazte Mailan jokatuko dute eta beste zortzik Senior Mailan.Ostiral honetan, hilak 26, III. Oiartzungo Esku Pilota Saria jokatzen hasiko dira Madalensoro pilotalekuan, 20:00etatik aurrera. Gazte Mailan A. Errandonea (Bera, Nafarroa), A. Flores (Oiartzun), A. Arteaga (Lasarte-Oria, Gipuzkoa) eta A. Arzallus (Oiartzun) arituko dira. Senior Mailan, Arabiourrutia (Abadiño, Bizkaia), Aspuru (Abadiño), J. Hernandez (Oiartzun) eta X. Erostarbe (Urretxu) pilotariek jokatuko dute. Hurrengo egunean, larunbatean, beste zortzi pilotari arituko dira toki eta ordu berean: Gazte Mailan A. Ugalde (Oiartzun), J. Juaristi (Azkoitia, Gipuzkoa), X. Azpiroz (Oiartzun) eta J. Olaizola (Lesaka, Nafarroa). Senior Mailan, A. Agirre (Burlata, Nafarroa), I. Ugalde (Oiartzun, X. Barandiaran (Astigarraga, Gipuzkoa) eta A. Imaz (Oiartzun). Finalak abuztuaren 3an, Xanisteban egunean, jokatuko dituzte Madalensoron, 19:30ean hasita.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.