Josetxo Etxandi Oroitaldirako izena emateko epea zabalik da
Josetxo Etxandi Oroitaldiaren 38.n aldia jokatuko da aurten eta dagoeneko zabalik da izena emateko epea. Interesdunek Lezoko Txingurri tabernara jo beharko dute izena matera hilaren 31 baino lehen. Oroitaldian parte hartzeko baldintza bakarrak, bikotekideetako bat pilotan federatu gabea izatea eta lezoarrak izatea dira antolatzaileek jakinarazi dutenez.
Urtero moduan hiru maila antolatu dituzte: haurrena (2001 urtetik aurrera jaioak); Gaztetxoena (1998 eta 2000 urteen artean jaiotakoak), eta helduena (16 urtetik gorakoak)
60 bikote iaz
Antolatzaileek azaldu dutenez pilota bigunak erabiltzen dituzte oroitaldian “herritar guztiei zuzenduta dagoelako”. Iaz 60 bikotetik gora aritu ziren Etxandi oroitaldian eta aurten ez dutela gutxiago espero esan dute antolatzaileek. Horren harira dei berezia egin diete emakume eta neskei, “haien parte hartzea bultzatu nahi dugulako”.
Oroitaldiaren helburua frontoi inguruan “giro jator eta atsegina” sortzea dela azaldu dute halaber, antolatzaileek.
Partida guztiak Goiko Plazako frontoian jokatuko dituzte. Txapelketaren gaineko informazio guztia biltzen duen webgunea sortu dute. Interesdunek txapelketaren gaineko informazio guztia jaso dezakete bertan.
