Europako Batzordeak hartutako erabakiaren arabera, inbertitzaileek itzuli behar dituzte laguntzak. Diru hori ordaindu behar izateak “ezin du eraginik izan” beste batzuengan; ontzioletan, kasurako. ‘Tax lease’ sistema legez kanpokotzat jo du Bruselak, iritzita ontziolek “abantaila selektiboak” jaso zituztela lehiakideekiko.
2007tik 2011ra bitartean
tax lease sistemaren bidez ontziolei emandako laguntzak itzultzeko eskatu dio Bruselak Espainiari. Isuna inbertitzaileek ordaintzea ebatzi dute, ez ontziolek.
Gaur bildu da Europako Batzordea, eta eguneko gaien artean zen ontziolei emandako laguntzak itzularazteari buruzko erabakia. Eguerdirako espero zen erabakia, baina Europa Press agentziak jakinarazi duenez, isunei eustea onartu du Bruselak.
Joaquin Almunia Europako Batzordeko Lehiakortasun komisarioak proposatu zuen 2005etik 2011rako diru laguntzak itzularaztea. Besteak beste, Iñigo Urkullu Eusko Jaurlaritzako lehendakariarekin eta Jose Manuel Soria Espainiako Industria ministroarekin
batzartu zen Almunia joan den astean. Bere jarrerari eutsi zion Almuniak bileran, eta Mariano Rajoy Espainiako Gobernuko presidenteak Jose Manuel Durao Barroso Europako Batzordeko presidentearekin hitz egin zuen, batzordearen jarrera aldarazteko.
Atzo, gaurko bilkuraren atarian, Efe berri agentziak zabaldu zuen 2007tik aurrerakoak ordaintzea eskaini diela Europako Komisarioen Elkargoko zuzendariek Eusko Jaurlaritzari. Hala erabaki dute gaur.
Batzordeak ez du jakinarazi zenbatekoa den itzuli beharreko diru kopurua. Soriak iragan astean adierazi zuen 2.000 milioi euro baino gehiago itzuli beharko dituztela, eta ontzioletako langileek salatu dute laguntza horiek itzultzeak “hiltzorian” utz dezakeela sektorea. Bruselaren arabera, Espainiari dagokio kalkulatzea zenbat diru itzuli behar duen. Jaurlaritzak kalkulatu du horietatik 1.000 milioi direla Gipuzkoako eta Bizkaiko ontzioletako kontratuen bidez emandakoak, baina 2005az geroztik emandako laguntzak itzuli behar izatekotan eginiko kalkulua da hori.
Batzordeak hartutako erabakiaren arabera, inbertitzaileek dirua itzuli behar izateak “ezin du eraginik izan” beste batzuengan; ontziolengan, kasu.
Bruselak uste du Espainiak 2002an abiatutako
tax lease laguntza sistemak Europako Batasunak laguntza publikoen inguruan dituen arauak urratzen dituela eta “abantaila selektiboa” eman ziela ontziolei lehiakideekiko. “Segurtasun juridikoaren printzipioa” jarraituta, 2002tik 2007rako diru laguntzak ez itzularaztea erabaki du batzordeak. Bruselak 2007an ebatzi zuen Frantziak ezarritako antzeko sistema bat legez kanpokoa zela.
2007tik 2011ra bitartean tax lease sistemaren bidez ontziolei emandako laguntzak itzultzeko eskatu dio Bruselak Espainiari. Isuna inbertitzaileek ordaintzea ebatzi dute, ez ontziolek.
Gaur bildu da Europako Batzordea, eta eguneko gaien artean zen ontziolei emandako laguntzak itzularazteari buruzko erabakia. Eguerdirako espero zen erabakia, baina Europa Press agentziak jakinarazi duenez, isunei eustea onartu du Bruselak.
Joaquin Almunia Europako Batzordeko Lehiakortasun komisarioak proposatu zuen 2005etik 2011rako diru laguntzak itzularaztea. Besteak beste, Iñigo Urkullu Eusko Jaurlaritzako lehendakariarekin eta Jose Manuel Soria Espainiako Industria ministroarekin batzartu zen Almunia joan den astean. Bere jarrerari eutsi zion Almuniak bileran, eta Mariano Rajoy Espainiako Gobernuko presidenteak Jose Manuel Durao Barroso Europako Batzordeko presidentearekin hitz egin zuen, batzordearen jarrera aldarazteko.
Atzo, gaurko bilkuraren atarian, Efe berri agentziak zabaldu zuen 2007tik aurrerakoak ordaintzea eskaini diela Europako Komisarioen Elkargoko zuzendariek Eusko Jaurlaritzari. Hala erabaki dute gaur.
Batzordeak ez du jakinarazi zenbatekoa den itzuli beharreko diru kopurua. Soriak iragan astean adierazi zuen 2.000 milioi euro baino gehiago itzuli beharko dituztela, eta ontzioletako langileek salatu dute laguntza horiek itzultzeak “hiltzorian” utz dezakeela sektorea. Bruselaren arabera, Espainiari dagokio kalkulatzea zenbat diru itzuli behar duen. Jaurlaritzak kalkulatu du horietatik 1.000 milioi direla Gipuzkoako eta Bizkaiko ontzioletako kontratuen bidez emandakoak, baina 2005az geroztik emandako laguntzak itzuli behar izatekotan eginiko kalkulua da hori.
Batzordeak hartutako erabakiaren arabera, inbertitzaileek dirua itzuli behar izateak “ezin du eraginik izan” beste batzuengan; ontziolengan, kasu.
Bruselak uste du Espainiak 2002an abiatutako tax lease laguntza sistemak Europako Batasunak laguntza publikoen inguruan dituen arauak urratzen dituela eta “abantaila selektiboa” eman ziela ontziolei lehiakideekiko. “Segurtasun juridikoaren printzipioa” jarraituta, 2002tik 2007rako diru laguntzak ez itzularaztea erabaki du batzordeak. Bruselak 2007an ebatzi zuen Frantziak ezarritako antzeko sistema bat legez kanpokoa zela.
