Bukowsky taldea garaile areto futbol txapelketan
Penaltietan erabaki zen Gamon kirol elkarteak antolatutako areto futbol txapelketan. Horretan Orereta Iturgintzak baino punteria hobea izan zuen Bukowsky taldeak eta berarentzat izan zen txapelketa.
Goleatzaile onenaren saria ere banatu zuten, eta Eñaut Goncalves Azpilikueta izan da, 7 golekin.
Gamon kirol elkarteak jakinarazi duenez, guztira, 150 lagunek parte hartu dute. Zentzu horretan, “oso balorazio positiboa” egin du, “bai parte hartzearen aldetik, baita egun horretan kiroldegian bizi den giroarengatik”. Partida guztiak jokatu zirela gaineratu du, “kiroltasunez eta arazorik gabe”.
Eskerrak eman die talde guztiei zein epaile lanetan ibili zirenei.
