Bero-bero hasi dira Trintxerpeko festak
Atzo arratsean hasi ziren Trintxerpeko festak. Jaietako protagonista nagusiei gorazarre egin ondoren, alkateordetzako balkoitik txupianazoa bota, danborrada hasi, eta haren atzetik kartelada egin zuten. Bai, kartelada. Carlos Urkijo EAEn Espainiako Gobernuaren ordezkariak debekatzeko saiakera egin arren, preso eta iheslarien aldeko kartelada egion zuten atzo Trintxerpen. Horren ondoren, afarirako garaia iritsi zen, eta ondoren, parranda.
Gaur goizean Trintxer elkartearen 25. urteurrenak hartu ditu Trintxerpeko kaleak. Elkarteko kideek, urtero-urtero bezala, toka eta igel jokoak nahiz herri kirolak antolatu dituzte, eta beroaren eraginpean iozan bada ere, horiek ere egin dituzte Euskadi etorbidean, askok esku artean tragoska zutela. Arratsaldean Azkueneko danborradaren txanda izan da, eta gauean, parrandarako tartea zabaldu da berriz ere.
Jarraian agertzen diren irudiak atzoko txupinazokoak, gaurko herri kirolenak, eta gaurko Azkueneko danborradakoak dira.
