Lizarrustitik Otzaurtera joango dira Errenteriako mendizaleak
Urdaburu mendizale elkarteak beste irteera bat antolatu du Meditarreneoko isurialdeen banalerroaren sortaren barruan. Hala, hurrengo larunbatean, Lizarrusti gainetik Otzaurtera joango dira mendizaleak.
Bidean, Irumugarrieta, Intxusburu, Balankaleku eta Etxegarate igaroko dituzte. 6 ordu eta erdiko ibilbidea izango da.
Zumardiko autobus geltokian geratu dira irteeraren egun berean, 07:30ean.
Izena emateko Urdaburu elkartearekin jarri behar da harremanetan, handik pasata edo telefonoz deituta (943 52 78 79). Ordutegi mugatua du: astearte eta ostegunetan, 19:00etatik 21:30era.
