![Langileak, Urdanibia plaza garbitzen, hilaren 1ean](http://bidasoa.hitza.eus/site/files/2013/07/Limpiezas-1-julio-2013-300x168.jpg)
Langileak, Urdanibia plaza garbitzen, hilaren 1ean
Txingudiko Zerbitzuak (Txinzer) erakundeak San Martzial jaietan egin duen lanaren berri eman du. Datu bat nabarmendu du: 500 tonatik gora zabor (502.320 kilo) jaso dituzte hiriko auzo guztietan jaiak bitartean. Lehenengo, jende gehiago bildu zen eremuetan egin zuten garbiketa lana Txinzerreko langileek, ondoren gainontzeko auzoetara joateko. Su artifizialak bota zituzten tokietan ere garbiketa bereziak egin zituzten.
Zabor gehien bildu zuten eguna ekainaren 28a (ostirala) izan zen, 65.020 kilo. Eta datuekin jarraituz, Txinzerrek hiriko kaleak garbitzeko 410.000 litro ur eta 130 litro desinfektatzaile erabili zituen.