402 langabe gutxiago daude Oarso Bidasoan
Bidasoa Bizirik-ek Lanbideren datuetan oinarrituta eman dituen datuen arabera, Bidasoan 267 lagun gutxiago dago langabezian Bidasoan azken hilabetean, eta 135 gutxiago Oarsoaldean, 402 denera. Horrela, Bidasoko langabezia tasa %16,71koa da egun, eta Oarsoaldekoa %16,26koa. Iazko ekainaren bukaeran 5.675 pertsona zeuden lanik gabe Bidasoan (%14,69), eta 5.249 Oarsoaldean (%14,87).
Gipuzkoako langabezia tasarik handiena izaten jarraitzen dute Bidasoak eta Oarsoaldeak, hurrenkera horretan. Zerrenda horretan herrialdeko hirugarrena Debabarrena da (%15,74). Kontra, tasarik txikiena duten eskualdeak Debagoiena (%11,95) eta Urola Kosta (%12,34) dira. Herrialdeko tasa orokorra %14,32koa da, 48.503 langabe daude, maiatzaren bukaeran baino 1.366 gutxiago, baina iazko ekainaren bukaeran baino 4.377 gehiago.
