Arraztalok batzar orokorra egingo du bihar
Arraztalok asanblea orokorra eigngo du bihar Altzibarren duen egoitzan, 19:00etan hasita. Elkartearen ekintzak, egoera ekonomikoa, hitzaldien balorazioa eta etorkizunerako ildoak izango dituzte hizpide. Bilera irekia dela adierazi dute.Bestalde, traktorearen kanpainaren barruan, saskien erdiak banatu dituztela jakinarazi dute Arraztaloko kideek: “Banaketa nahiko geldirik dago orain, izan diren euriteek baratzetako lana zapuztu dutelako. Laster berriz martxan jartzea pentsatzen dugu”. Kanpainari lotuta, oiartzuarrei eta laguntza eman dietenei eskerrak eman dizkiete, baita Oiartzungo Udalari eta laguntza eskaini dieten beste erakundeei.
Arraztalok antolatutako hitzaldiak youtuben zintzilikatu dituztela adierazi dute, “bertan jasotako hausnarketak etorkizunerako gera daitezen”.
