Sanpedroak direla eta, aldaketak izango dira trafikoan
San Pedroko jaiak direla eta, berrutiko trafikoan aldaketak izango direla jakinarazi du Pasaiako Udalak. Horrela, biharko 07:00etatik aurrera, eta uztailaren 1eko 10:00ak arte, Nabarra Boua plazako aparkalekua irekita egongo da autoa uzteko. Aparkalekuaren ordutegia 07:00etatik 23:00etara izango da, eta zaintza egongo dela adierazi dute. Jaiak bukatzean, sanpedrotarrekin bilerak egiteko asmoa du udalak, plazaren erabilpena zein izango den aztertzeko.
Horrez gain, aldaketa zehatz batzuk egingo dituzte. Horrela, gaurtik igandera bitartean (23:00ak arte) ezingo da aparkatu ez Arraunlari kalean ezta praktikoaren ontziralekuan. Torreatzen ezingo da ibilgailurik sartu jaietan, ezta ondoren. Horretarako bilerak antolatu nahi ditu udalak bizilagunak. Baimenduek bakarrik izango dute sartzeko eskubidea. Azkenik, Torrera joateko sarbidea lonjako aparkalekutik egingo da, igandeko 18:00ak arte. Neurri horiekin jaiak “seguruagoak” izatea nahi dute, eta kalea “herritarren gozamenerako berreskuratu” nahi dute.