Whatsapp bidezko arreta zerbitzua jarri dute Irungo Igaztek
Irungo Igazte Gazte Informazio Bulegoarekin Whatsapp bidez jarri ahal izango dute harremanetan gazte irundarrek. Harremanetan jartzeko telefono zenbakia 607 77 11 73 da. Horretarako nahikoa da whatsapp bidez mezu bat bidaltzea telefono zenbaki horretara, eta Igaztek erantzun egingo dute “intimitatea, anonimotasuna eta isilpekotasuna bermatuz”, adierazi du Irungo Udalak.
Bide horretatik ordutegi baten barruan erantzungo dute: astelehenetik ostiralera, 11:00etatik 13:30era eta 17:00etatik 19:00etara. Ostiral arratsaldetan itxita dago. Orain, ordea, udako ordutegia erabiltzen dutela, irailaren 30era arte: 10:00etatik 14:00etara.
Igazterekin harremanetan jartzeko ohiko bideak erabili nahi dituenak honako hauek dira: aurrez aurre, Foruen karrika 2 (behea); telefonoz, 943 50 54 44 eta 943 50 54 40; posta elektronikoz igazte[abildua]irun.org eta Interneten, www.irun.org/igazte.
