Erditu eta erditu ondorenerako ikastaroak, Errenterian
Editu eta erditu ondorenerako ikastaroa egingo dute Errenteria-Oreretan, Olatz Oliveri kirol zentroko fisioterapeuta baten eskutik. Erditzeari begira, prestaketa fisikoa landuko dute, eta erditze ondorenerako, berriz, gimnasia hipopresiboa. Datozen astean izango dira berriro martxan ikastaro horiek.
Lehenengoa haurdun daude eta ohiko erditu aurreko eskolak ariketa leunekin osatu nahi dituzten emakumeei daude zuzenduta. Ariketa horien bidez, haurdunaldiaren azken asteetara eta erditzera baldintza fisiko hobeekin iristea lortzen dela aurreratu dute ekimenaren antolatzaileek, eta era berean, erditu ondoren hobeto suspertzera. “Ariketen bidez, sabelaldeko eta zoru pelbikoaren giharrean lantzen dira, eta horrek guztiak amaren zirkulazioa zein haurtxoaren oxigenazioa hobetzen du”, aurreratu du antolakuntzak.
Gimnasia hipopresiboarekin, berriz, sabelaldea eta zoru pelbikoa tonifikatzen dira. Erditu ondorenean dauden emakumeei nahiz fase horretan egon gabe postura orokorra hobetu nahi duten emakumeei zuzenduta dago.
Informazioa eta izen ematea Galtzarabordako udal kiroldegian (943 44 96 90).
