Madalenetan postua jartzeko deialdia egin du udalak
Madalen Jaietan kalean postua jarri nahi duten saltzaileei zuzendutako deialdia egin du Errenteriako Udalak. Hala, postua jartzeko eskaerak ekainaren 29a baino lehen aurkeztu beharko dira erregistroan. Postuak esleitzeko zozketa, berriz, uztailaren 1ean egingo dute 10:00etan, Udaltzaingoaren egoitzan.
Udalak gogorarazi duenez, postu horietan ezingo da janari zein edaririk saldu, eta indarrean dagoen araudia bete beharko dute. Horrez gain, bi metroko luzeraren muga ezingo dute pasatu.
Tasak, berriz, uztailaren 10a baino lehen ordaindu beharko dituztela jakinarazi du udalak, eta horrela egiten ez bada, postuari uko egiten diotela ulertuko dela.
Egitaraua, Sum + enpresarentzat
Errenteriako Udalak Madalen Jaietako egitarauaren diseinua, publizitatea eta inprimaketaz arduratuko den enpresaren izena jakinarazi du: Sum +. Beraiek izango dira programa ofizialaren publizitate salmentaren arduradunak.
