Auzitegi Nazionalean epaitutako senar-emazteak absolbitu dituzte
Angela Murillo Auzitegi Nazionaleko epaileak absolbitu egin ditu Askapenaren aurkako sarekada salatzeko Hondarribian egin zen manifestazioan identifikatu zituzten senar-emazteak. Fiskalak urte eta erdiko gartzela zigorra eskatzen zuen bientzat, terrorismoa goratu zutela leporatuta, eta beste bi urte eta zortzi hilabetekoa senarrarentzat, ertzain bati zaplasteko bat eman ziola argudiatuta.
Murillo epailearen ustez ez da demostratu terrorismoa goratu zutenik, eta absolbitu ditu biak. Nolanahi ere, gizonak ertzaineei aurre egin ziela ebatzi du, eta sei hilabeteko zigorra ezarri dio, bete beharko ez duena. Ertzain bati 200 euroko isuna ordaindu beharko dio akusatuak.