Ikasturte amaierako festa egingo dute larunbatean Bordarin
Talaia eskolako ikasleek ikasturte amaierako festa egingo dute larunbatean, ekainak 1, Bordari ikastetxean. Ikasturtean zehar eskolan eta eskola ordutegitik kanpoko ekintzetan ikasitakoa erakutsiko dute haurrek. Goiz osoan zehar herri kiroletan, marrazketan eta mahai tenisean aritzeko aukera izango dute, eta hainbat saio eta erakustaldi burutuko dituzte, ikastetxearen kanpoaldean zein gimnasioan.
10:00etan hasiko da festa eta 14:00etan bukatuko da. Seigarren mailako gurasoek lagunduko dute muntatzen eta, esan dutenez, jaso, denen artean jasoko dute.
Egitaraua
- 10:00-10:45. Judo erakustaldia, gimnasioan.
- 10:30-11:00. Funky, gimnastika erritmikoa eta gorputz espresioa, kanpoaldean.
- 10:45-11:15. Bertsolaritza, gimnasioan.
- 11:15-12:00. Antzerkia, gimnasioan.
- 12:00-12:15. Hamaiketakoa.
- 12:15-13:00. Euskal dantza eta panderoa, gimnasioan.
- 13:00-14:00. Hainbat ekitaldi gimnasioan: magoa, rokodromoa, puzgarriak, lanen erakusketa.
