Irungo kirol alorreko profesionalak bilduko dira bihar Ficoban
Irun Sasoian ekimenaren barruan, Irungo kirol alorreko profesionalek topagunea egingo dute bihar Ficoban. Irun Sasoian I Foroa izena jarri diote jardunaldiari. Horren helburua da hiriko kirol alorrean dabiltzan profesionalen arteko ezagutza, harremana eta elkarlana indartzea, udalaren arabera, “Irunen jarduera fisikoen alorrean dabiltzanen artean negoziorako aukerak aztertzeko”. Hala, sektore publikoko nahiz pribatuko kirol eragileen garapena bilatu nahi dute biharko jardunaldiaren bitartez. Ondokoa da biharko egitaraua:
- 11:00etan, parte hartzaileei harrera.
- 11:15ean, Iñaki Iturrioz Irungo Udaleko kirol arduradunaren hitzaldia.
- 11:45ean, talde dinamikaren aurkezpena: Irunen kirola sustatzeko jarduerez hitz egingo dute, ekonomia eta lan gaiak kontuan hartuz.
- 13:00etan, ondorioak.
- 13:30ean, topaketaren amaiera, Pedro Alegre udaleko kirol ordezkariaren hitzaldiarekin.
