Udaberri Jaia aurkeztu zuten ostiralean.
Larunbat hau maiatzeko azkenekoa izaki, urtero bezala Udaberri Jaia izango da Oiartzunen. Jaiaren barruan hamaika ekitaldi prestatu dituzte Girizia Elkarteak eta Oiartzungo Herri Bilguneak udalaren eta herriko taberna zein komertzioen laguntzarekin. Tartean Sagardo Eguna izango da, aurtengoa hogeita laugarrena.
Egun guztiko egitaraua prestatu dute 10:00etatik aurrera: bertsolariak, musika, azoka, puzgarriak, tailerrak… Sagar tarta lehiaketa ere izango da. Parte hartu nahi dutenek aldez aurretik izena eman behar dute eta horretarako bi bide jarri dituzte: 943 49 37 11 telefono zenbakia eta
oiartzunirratia[abildua]gmail.com helbidea. Parte hartzaileek tartak Kontzejupera eraman beharko dituzte larunbatean bertan (12:00ak baino lehen). Herriko hainbat eragile eta gozogile arituko dira epaile lanetan.
Lehiaketa eta gero, sagardoa dastatzeko aukera izango da, sagardo kata profesionala, hain zuzen ere. Enologo bat hurbilduko da eta sagardoaren nondik norakoak azalduko ditu.
Ramon Sagarzazuk lehen txotxa
Arratsaldean, 18:00etan hasita, Sagardo Eguna abiatuko da eta aurten Ramon Sagarzazu preso ohiak hartuko du lehen sagardo tragoa. Hamazazpi sagardo probatzeko aukera izango da.
Aurten afaria
Beste urteetan ez bezala, aurten afaria izango da Girizia elkartean 21:00etatik aurrera. Joan nahi duenak aldez aurretik txartela erosi beharko du ohiko tokietan, 18 euroren truke. Egunari bukaera emateko, gaztetxean kontzertuak eta erromeria izango dira 23:00etan.
Egitaraua:
10:00-13:00: Azoka (Erretxiki eta Xamoa bertsotan arituko dira astoaren bueltan).
10:00-12:00: Sagar tarta lehiaketa.
12:30-13:00: Sagardo kata profesionala.
17:30: Haurrentzako puzgarriak, tailerrak eta txokolate-jatea, Euskal Herria plazan.
18:00: XXIV. Sagardo dastaketaren hasiera.
21:00: Afaria Girizian.
23:00: Kontzertuak eta erromeria Kataxulo Gaztetxian.
Sagardotegiak
-Baleio
-Aristizabal
-Larre Gain
-Ordoxelai
-Petritegi
-Lizeaga
-Elutxeta
-Otsu-Enea
-Otegi
-Aginaga
-Oiarbide
-Mendizabal
-Larrarte
-Lasa
-Ekain
-Goikolastola
-Lindurrenborda
