Hiru lagun atxilotu dituzte dokumentuak faltsutzea leporatuta
Espainiako poliziak hiru lagun atxilotu ditu Errenteria-Oreretan egoitza lortzeko paperak faltsutzea egotzita. Bi emakume eta gizon bat dira atxilotuak. Dokumentu horietan ustez emakumeak gizonaren alabak zirela esaten zuten, hori horrela ez izan arren. Poliziaren arabera, egoitza lortzeko tramitazioak iraun bitartean gizonak ustez bere etxetik ez ateratzera behartzen zituen emakumeak, kontrolak saihesteko.
Emakumeek euren dokumentazioa aurkeztu zutenean, ama bera ez zutela frogatu zuela esan du poliziak, eta benetako dokumentuak aurkezteko eskatu zitzaienean “faltsuak” zirela eta aitaren datuak falta zirela ikusi zutela. Horren ondoren, bi emakumeak atxilotu zituzten eta baita ustezko aita ere. Hirugarren emakume bat ere atxilotu dute, Valentzian (Herrialde Katalanak).
Poliziak esan du aurrerago ondorioztatu dutela emakumeek ustez 2.000 euro ordaintzera iritsi direla egoitza lortzeko paperak eskuratzeko. Gaineratu du diru horrekin euren jatorrizko herrialdean, Ekuatore Ginean, jaiotze agiri eta pasaporte faltsuak lortzen zituztela, gero egoitza lortzeko paperak egin ahal izateko.
