353 ahotseko abesbatza elkartuko da igandean

admin

Bidasoa

2013/05/17

Salaberriak Eskifaia Txiki eta Zumardikoak abesbatzak gidatuko ditu igandean

353 ahots entzungo dira igande eguerdian Udaleko Kultura Departamentuak antolatuta egingo den XXIV. Herri Kanta Jaialdian. Eguraldia lagun izanez gero Gipuzkoa Plazan egingo da, bestela Itsas Etxea Auditoriumean, iaz bezala. Bederatzi abesbatzak eman dute izena aurten herriko ahozko musika ekitaldi nagusirako. Aurtengo ekitaldiak Eskifaia Txiki abesbatza berriaren estreinaldia izango da ere eta jaialdiaren hasieran bi pieza abestuko dituzte. Iñigo Salaberriaren zuzendaritzapean, Eskifaia elkarteak berriro sortu du haur eta gaztetxoen abesbatza, garai bateko oihartzuna errepikatzea helburu dutelarik. Talde bakoitzak bina pieza abestuko ditu, haiek hautatutakoak, eta jaialdiaren bukaeran denek batera abestuko dute. Aurten, Xabier Leteren Habanera da taldeek elkarrekin abesteko entseatu duten doinua. Horrez gain, Agur jaunak kantatuko dute gero eta horrekin bukatuko da plazako jarduna. Jaialdia amaituta, taldeek Alde Zaharreko eta Portuko kaleak girotuko dituzte, Santiago kalean egingo duten anaitasun bazkariaren ordua iritsi arte.

Taldeak eta zuzendariak, taularatuko diren ordenean

Surbesta: Ander Ribes.
Klink: Jose Ignacio Lopez eta Aritz Gonzalez.
Goxoki: Alberto Lasa.
Olagarro: Xabier Agirre.
Amuitz: Marisol Etxepare.
Kardiñeruak: Arantza Lasa.
Xarmanta: Pili Anuncibay.
Kasino Zaharra: Juncal Gaskon.
Zumardikoak: Iñigo Salaberria.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.