Udako kirolek Pasaia hartuko dute

admin

Bidasoa

2013/05/14

Trintxerpeko kirolgunean egingo dituzte eskalada eskolak.

Pasaiako Udaleko Gazteria eta Kirol Sailak, aldundiarekin eta Pasaiako hainbat kirol elkarterekin elkarlanean, Uda 2013 kanpaina prestatu du. Ekainean, uztailean abuztuan eta irailean izango dira ekimen horren barruko jarduerak, eta 8-16 adin tarteko haur eta ikasleei bideratuta dago. Aurtengo kirol eskaintza honakoa da: piraguismoa, mendiko bizikleta, patinajea, arrauna, pilota, skate, eskalada, kirol anitza eta tenisa. Kirol jarduera bakoitzak bere egutegi propioa izango du. Izena emateko aukera Pasaiako Udalaren webgunean zabaldu dute, eta plazek muga dutela. Hau da, lehenbailehen eman behar da izena. Honakoak dira jarduerak, xehetasunez:

Piraguismoa: ekainaren bukaeratik irailaren hasierara arte izango dira, Pasaia Kayak 2005k antolatua (telefonoa: 673 56 36 24). San Pedroko Kalparraren egoitzan emango dituzte, eta goizez eta arratsaldez izango dira, hainbat ordutegirekin. Ezinbestekoa da igerian jakitea eta gutxienez 8 urte izatea. Matrikula: 40 euro.
Mendiko bizikleta: ekainaren bukaeratik abuztuaren bukaerara arte izango dira eskolak, goizez, eta Trintxerpe Atletiko Klubak emango ditu (telefonoa: 670 63 55 52). Eskualdeko mendietan egingo dira jarduerak, eta bizikleta eta kaskoa behar-beharrezkoak dira. Matrikula: 20 euro.
Arrauna: ekainaren bukaeratik uztailaren bukaerara arte, goizez. Pasaiako badiako hiru arraun elkarteek antolatu dituzte: Sanpedrotarra Arraun Elkarteak (telefonoa: 670 41 44 20), Pasai Donibane Koxtapek (telefonoa: 667 23 32 24), eta Illunbe Arraun Elkarteak (telefonoa: 682 31 75 10). Ezinbestekoa da igerian jakitea, eta gutxienez 12 urte izatea. Matrikula: 40 euro.
Patinajea: ekainaren bukaeratik, uztailaren erdialdera arte, Antxon. Kontakturako telefonoa: 943 11 63 42. Arratsaldez izango dira, eta ezinbestekoa da patinak eta babesteko gailuak eramatea. Matrikula: 24 euro.
Kirol anitza eta tenisa: ekainean eta uztailean egingo dituzte, Donibaneko kiroldegian (telefonoa: 943 34 04 23). Tenisaren kasuan ezinbestekoa da erraketa eramatea. Matrikulak: 40 euro.
Trintxerpeko kirolgunean teniseko eta eskaladako ikastaroak antolatuko dira. Tenisaren kasuan, bi txanda antolatuko dira: ekainaren azkeneko astean bat eta uztailaren lehenengo astean bestea. Arratsaldeko ordutegia izango dute eta 30 euroko kuota. Eskaladako ikastaroa, berriz, goizez antolatuko da uztailaren bukaeran. Parte hartzaileek Trintxerpeko frontoi txikietan dagoen rokodromo berria ezagutzeko aukera izango dute, eta eguraldi ona eginez gero, Puntetara antolatuko da irteera berezi bat, arroka naturalean aritzeko. Matrikula 40 eurokoa izango da. Informazio gehiago 943 39 97 53 telefono zenbakira deituz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.