Bertso pilota saioa egingo dute Zamalbiden
Jaietan sartuko da Zamalbide San Isidro Egunarekin batera. Bihar izango da egun handia: bertso pilota saioa egingo dute. Mikel Goñi izango da pilotarien artean protagonista. Lizasorekin batera jokatu du eskuz binaka, San Sebastian eta Aranbururekin batera. Botilero lanetan ariko dira bertsolariak: Xamoa eta Agin Rezola. Perurenako frontoian izango da ikuskizuna, eta sartzeko ordaindu egin beharko da, 5 euro. Horien artean, bi pertsonentzako otordu bat zozkatuko dute.
Festak larunbatean bueltatuko dira, haurren egunarekin. Egun horretan herri afaria egingo dute Perurena tabernan. Igandean, berriz, erretiratuen bazkaria egingo dute Auzolan elkartean.
Egitaraua
Asteazkena, San Isidro Eguna- 11:45: San Isidro zaindariarem ibilaldia, elizaren inguruan.
- 12:00: Herri meza.
- 12:45: Txupinazoa eta salda hartzea, eliz atarian.
- 13:00: Bertsolariak.
- 14:00: Lagun arteko bazkaria, auzolan elkartean.
- 18:30: Bertso pilota saioa Perurenako frontoian.
- 10:30: Haur jolasak eta tailerrak, Perurenako frontoian.
- 13:30: Haur bazkaria, auzolan elkartean.
- 14:30: Euskaraokea, Perurenako frontoian.
- 15:30: Apar festa, frontoiaren kanpoaldean, eguraldi ona eginez gero. Bainojantzia eta uretako oinetakoak eramatea gomendatu dute.
- 16:00: Mus txapelketa, Auzolan elkartean.
- 17:00: Txokolatada bizkotxoekin.
- 20:30: Herri afaria, musika giroarekin alaituta, Auzolan Elkartean. Aldez aurretik tiketak erosi beharko dira Zamalbide edo Perurena tabernetan (20 euro).
- 12:00: Meza.
- 13:00: Salda eta bertsolariak eliz atarian.
- 14:00: Jubilatuen omenaldiko bazkaria musika eta bertsolariekin girotua, Auzolan elkartean.
