Gipuzkoako Esku Pilotako Herriarteko Txapelketan izango da Lezo aurten
Hainbat urte parte hartu gabe izan ostean, Gipzukoako Esku Pilotako Herriarteko Txapelketan parte hartuko dute Lezoko pilotariek. Joan den astean egin zen parte hartzaileen arteko zozketa eta horren arabera, Lezoko pilotariek Zizurkilgoen kontra jokatu beharko dute. Joan etorriko hiru partidetan erabakiko da leia eta bihar bertan jikatuko dira lehenengo hiru partidak. Zizurkilgo frontoiak hartuko ditu partida horiek 19:00etan hasita.
Kadete Mailan Allerru pilota taldeko Unai Tatiegi eta Oier Hernandez, Zizurkilgo Garin eta Arregiren kontra jokatuko dute. Gazte Mailan Jon Tatiegi eta Gaizka Perurena lezoarrak, Labaka eta Erasun zizurkildarren aurka ariko dira, eta Helduen Mailan, azkenik, Allerruko Ibon Taberna eta Garikoitz Mujika, Zizurkilgo Lizaso eta Arrutiren kontra jokatuko dute.
Itzuliko partidak 17an, Lezon
Hilaren 17an jokatuko dira itzuliko partidak Bekoerrota Kiroldegiko frontoian 19:00etatik aurrera. Astebukarea horretan Mendekosteak izango direla eta Allerru Pilota Taldeko arduradunek herriko pilotariak animatzera joateko deia egin diete herritarrei.
