Aldaketa globalak ibaietan duen eraginaz hitz egingo dute Reinan
Garapenaren prozesu azkarrak ibaietan izan duen eragina aztertzeko hitzaldi bat emango dute, ostegunean, 19:00etatik aurrera, Reina aretoan: Ibaiak eta aldaketa globala. Arturo Elosegi Euskal Herriko Unibertsitateko landare biologia eta ekologia departamentuaren irakaslea ariko da azalpen guztiak ematen. Hain zuzen, garapen prozesu horrek ibar gehienak eta kostaldeko lautadak hondatzea ekarri duela azalduko du. Era berean, ibaien garrantzia nabarmenduko du “ur garbia baino askoz gehiago baitira”.
Ibaiak, ibaiertzak eta basoak nola tratatzen dituzten, zer isurtzen den zuzenean eta zer zeharka ikusiko dute, besteak beste.
Hitzaldi hori Naturaldia jardunaldien barruan dago, eta Errenteria-Oreretaz gain, Tolosa eta Donostian egingo dituzte.
