Bihar, Pasaiako elkarteen elkarlanaren festa, Antxon
Pasaiako Elkarteen Eguna egingo dute bihar arratsaldean Antxon, 17:00etatik 20:00etara. Hiru ordu horietan udalerriko 15 elkarteak urtean zehar zer egiten duten azalduko diete haurrei, eta horretarako jarduera bereziak antolatuko dituzte. Adin tarteka banatuko dituzte haurrak. Aisiaren eta kirolaren eremuan lanean dabiltzan elkarteetako kideek eta begiraleek parte hartuko dute Elkarteen Egunaren laugarren ekitaldian. Ehunka haur espero dituzte udalak eta herriko eragile horiek elkarlanean garatzen ari diren E! Hemen gaude, pasa hitza izenburuko egitasmoaren barruko festan.
