Xanistebanetako kartel lehiaketara lanak aurkez daitezke
Xanisteban Jaiak iragarriko dituen kartel lehiaketa martxan dago dagoeneko. Herriko jaiak iragartzeaz gain, urtekariko zein egitarauaren azalak ere ilustratuko ditu. Lanak aurkezteko azken eguna ekainaren 17a da.
Parte hartzaileek hainbat baldintza bete beharko dituzte. Hala nola, lanek 50×70 zentimetroko neurria izan behar dute eta paperean aurkeztu behar dira. Udaletxeko sarreran entregatu behar dira lanak.
Bost sari
Irabazleak 700 euro eskuratuko ditu, oiartzuar onenari saria emango diote eta bi akzesit ere banatuko dituzte. Margosoro margo akademian urtebeteko matrikula ere sarien artean dago. Aurkeztutako lanak Kultura saileko eta Jai Batzordeko kideek eta artearen munduko hainbat adituk baloratuko dituzte.
