Nexo senidetze elkartearen ekimenez, Tulleko CFA Ventes eskolako formazio zentroko bi ikaslek, Anais da Silva eta Margaux Fovanna, Errenteria-Oreretako ile-apaindegi batean egin dituzte praktikak hil honetan, hamabost egunez. Praktikak Europako Ekonomia Batzordeko Leonardo da Vinci beken barruan daude.
Ile-apaindegi horrek 25 urteko esperientzia dauka, eta mota horretako ekintzetan ere esperientzia dauka.
Juan Carlos Merino Nexoko presidenteak esan du Tulle eta Errenteria-Oreretaren senidetzeari esker, ekimen horien balioa “handitu eta indartu” egin dela, eta Tulleko Formazio Zentroak urtero ikasleak bidaltzeko asmoa agertu duela, “emaitza onak” lortu dituztela iritzita. Laster, harategi eta okindegi batean praktikak egingo dituzten ikasleak etorriko direla jakinarazi du Merinok.
