Martxan da Erdi Aroko Pintxo Lehiaketa Hondarribian, eta hilaren 28ra arte aurkitu ahal izango dira zortzi tabernetan: Ardoka, Batzoki, Enbata, Gran Sol, Goxodenda, Hondar, Txantxangorri eta La Cantina de San Nikolas. Lehiaketa horretan epaimahaia bikoitza izango da: batetik, herritarrak eta bestetik, adituek osatutakoa. Erabaki horretatik aterako da ekainaren 7tik 9ra arte Olivenzako Nazioarteko VI. Lehiaketan Hondarribia ordezkatuko duen pintxoa.
Bezeroek parte hartzeko tabernetan txartel batzuk aurkituko dituzte. Horietan izen-abizenak eta telefonoa eman beharko dituzte, eta gutxienez, lau tabernetako pintxoak probatu beharko dituzte. Pintxoa zerbitzatzearekin batera, pegatina bat jasoko dute bezeroek, eta txartelean itsatsi ondoren, 1etik 4ra baloratu beharko dituzte. Gero, tabernetan dauden kutxatxoetan utzi ahal izango dituzte txartelak. Botoa eman duten guztien artean zozketa bat egingo dute.
Enbata jatetxean esaterako,
Bi tenperaturetara egositako txerrikume zatiz betetako gari taloa sagar karamelatuarekin eta azukre beltzarekin pintxoa aurkituko dute bisitariek.
