Antzerkia kalean Mendibil merkataritza zentroaren atarian
Irungo udalak jakinarazi duenez, gaur, 19:00etatik aurrera, antzerkia ikusteko aukera izango da kalean; zehazki, Mendibil merkataritza zentroko atarian. + ke vecinos antzezlanaren aurrestreinaldia emango dute Gaupasa eta Ipso factoren eskutik. Vega Iguaran, Marijo Pontesta eta Debiz Eraso aktoreek parte hartuko dute.
Lanak ikus-entzuleak barrezka jartzea du xede, eta maila horretako dialogo eta egoerak biziko dituzte pertsonaiek. Era berean, publikoak ere parte hartuko du antzezlaneko zenbait momentutan. Eszenaratzea ere berezia izango da, arropa, soinu banda… Estetika kolorista duela jakinarazi du udala, eta “afterpop inspirazioa”.
