Liburua sortuko dute ludoteketan, Liburuaren Egunean
Liburuaren Egunean liburuak sortzen ibiliko dira Errenteria-Oreretako ludoteketan. Haur bakoitzak liburu bat egingo du; alegia, ipuin bat asmatu eta eskuz eginiko liburuetan idatziko du: “Liburu hauek ludoteketan zehar txandakatzen joango dira, haur guztiek euren eta besteen liburuak ikus ditzaten”, jakinarazi du udalak.
Gaztelekuetan, berriz, etxean irakurrita dauzkaten liburuak kalera aterako dituzte. Hala, hilaren 24ean (Fanderiako Plazan) eta 25ean (Beraungo Pablo Sorozabal plazan) liburuak trukatuko dituzte. Ekintzaren leloa Liburu bat ezin da hiltzen utzi izango da. Era brean, herriko zenbait etxeetako postontzietan ere liburuak banatuko dituzte eta jendeak irakurri ahala beste postontzietan uztea da asmoa.
Bestalde, Beraungo Gaztelekuko gazteak egurraren berrerabilpenarekin lotuta egiten ari diren azken ekintza hilaren 26an egingo dute, Pontikako jaien barruan, 18:30etik aurrera.
