Leioan zein Donostian aurkeztu ondoren,
Poza-k hasitako bideari jarraitzen dio, eta Metrokoadroka kolektiboak Gasteizen aurkeztuko du hurrena. Etzi izango da, 21:00ean, Mostrenka aretoan (Kubo 1 kalean).
Poza-k arte diziplina anitzak bilduko ditu antzezlan batean: marrazkia, musika, poesia… eta guztiak gai bat edukiko dute komunean: edertasuna. “Ordubeteko tartean minutu bakar bateko edertasuna lortuz gero, bete egingo da haien xedea”, aurreratu du Metrokoadroka kolektiboak.
Bost pertsona igoko dira taula gainera: Jabi Barandiaran, Idoia Beratarbide, Ander Fernandez, Oier Guillan eta Asier Sarasola. Antzezlan bat izan arren, bost pertsona horiek ez dira pertsonaiak izango, eta egia da esango dute. Hala ere, Metrokoadrokaren arabera, oholtzara igotzen den unetik teatroa egingo dute “teatroan topatzen dituztelako beraiek edertasun uneak, eta edertasunerako bidea”.
Poza-ren trailerra ikusteko klik egin
hemen.
