Oarsoaldeko 11 batel sailkatu dira Gipuzkoako Txapelketako biharko finalerako
Gipuzkoako Batel Txapelketa egiten ari dira Pasaian, San Pedroko uretan. Gaur sailkapen probak egin dituzte eta bihar finalak izango dituzte jokoan, 11:30etik aurrera. Guztira, Oarsoaldeko 11 batel sailkatu dira biharko finaletarako.
San Juan nagusi izan da nesken gazte eta nagusien mailetan eta bigarren postua egin dute bi maila horietako mutilek. Hortaz, lau finaletan lehiatuko dira bihar Donibanekoak.
Sanpedrotarrek ere maila ona eman dute etxean eta mutil haurren proba irabazi dute. Nesken ontzirik ez dute finaletan sartu baina mutiletan, Haurren Mailaz gain, gazteetan eta helduetan izango dira biharko finalean San Pedroko batelak.
Hibaikak ere lan txukuna egin du eta bihar goizean lau finaletan parte hartuko du: Haurren Mailako mutiletan eta nesketan, eta gazte eta helduen mailetako nesketan.
Bukatzeko, Illunbe taldea bi ontzirekin ariko da bihar ohorezko postuen borrokan. Mutil kadeteetan laugarren sailkatu dira trintxerpetarrak gaur eta helduen mailan hirugarren, mutiletan ere.
Finalerako sailkatu ez diren ontziek Federazio Txapelketa jokatuko dute.
Finalerako sailkatuak
Haurren Maila- Mutilak: San Pedro, Hernani, Tolosaldea eta Hibaika.
- Neskak: Tolosaldea, Orio, Hibaika eta Hernani.
- Mutilak: Orio, Tolosaldea, Getaria eta Illunbe.
- Mutilak: Tolosaldea, San Juan, Zumaia eta San Pedro.
- Neskak: San Juan, Getaria, Tolosaldea eta Hibaika.
- Mutilak: Orio, San Juan, Illunbe eta San Pedro.
- Neskak: San Juan, Hibaika B, Zumaia eta Orio.
