Urdaburu, Lekunberrira begira
Urdaburu mendizale elkarteak Kantauriko eta Mediterraneoko isurialdeen banalerro ibilbidearen barruan, 10. etapa egingo du hurrengo larunbatean, hilak 10. Lekunberritik hasiko du ibilbidea, Uitziko gainera igoko dira, eta bidean, Otsolako zelaietatik eta Ireber gailurretik pasatuko da. Bost ordu eta erdiko zeharkaldia izango dela kalkulatu du.
Hurrengo larunbatean 07:30ean elkartuko dira Zumardian.
Izena emateko elkartetik pasatu beharko da. Astearte eta ostegunetan dago irekita, 19:00etatik 21:30etara. Egun eta ordu berean telefonoz ere egin daiteke erreserba, 943 52 78 79 zenbakira deituta.
Diapositiba emanaldia
Urdaburuk antolatuko duen ekintza bakarra ez da izango irteera. Bihar bertan, Urdabururen egoitzan (Juan Olazabal 23), diapositiba emanaldia egingo dute, 20:00etatik aurrera. Joxan Ugartemendiak Mont Blanc mendian ateratako irudiak ikusteko aukera izango da. Sarrera doakoa da.
