Kherau folk taldeak lehen diskoa aurkeztuko du ostiralean Banakon

admin

Bidasoa

2013/04/10

‘Munduan ortozik’ diskoa aurkeztuko dute ostiralean Banakon

Kherau folk taldeak kontzertua emango du ostiralean, hilaren 12an, Txiplaoko Banako tabernan. ‘Munduan ortozik’ goiburuko lehen diskoa argitaratu dute eta hori aurkeztera datoz Hondarribira. Kontzertua 22:30ean hasiko da eta doan izango da. Haien webgunean azaltzen dutenez, “tradiziozko musika euskalduna, akustikoa baina indartsua, antzinako erara interpretatua baina berezko nortasunarekin eta ikuspegi garaikide eta alternatiboaz baliatzen dena” egiten du Kherau taldeak, “estereotipo eta beharrezkoak ez diren konplikazioetatik ihes egiten duena, mundu zabaleko beste folklore zein beste musika mota batzuen iturrietatik edateko konplexurik ez duena, eta, euskal folkaren berezko interpretazioa egiten duena”. Kherau taldea honako musikariek osatzen dute:

Gaizka Andollo: kajoia, djembea eta perkutsioak.
Aitor Esteban Etxebarria: baxu elektrikoa eta bertsoak.
Iker Lope Bergara: ahotsa, txirulak eta albokak.
Ibon Ordoñez: ahotsa, gitarra, bouzouki eta mandolina.
Alex Garcia: ahotsa, trikia eta panderoa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.